تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - سنه یازیرام..

امروز:

سنه یازیرام..

 

سایین «پ» بیلمیرم نئته گلیرسن یا یوخ؟..

بیلمیرم نئته الین چاتیر یا یوخ؟..

آما منیم بوندان آرتیق یولوم یوخویدو...

داریخیرام سنه.. بیلیرسن می؟..

یادیندا کئچن ایل؟ یادیندا آخشام لار؟ یادیندا او قه در گلیردیم گؤروشونه کی اؤزومده اوتانیردیم؟

....

آما نه ایله مک بو داریسقال شهرده بیر سن وارییدین بیرده منیم داریخمالاریم..

ایندی منیم سئودالاریم بوتونلوکجه سنه دؤنور، من بوتون منلیگیم له سنه داریخیرام.

 سنین یولونو ایزله ییرم..

بس سن هاردا قالدین؟... آخ... یازیخ من.. یازیخ من کی بیلمه دی سنی بو تئزلیگه ایتیره جک،

 یوخسا هر گون گؤروشونه گلردی.. هر گون بیر آز تئز گلیب گئج گئدردی..

سایین«پ» بو من سنه داریخیر، هئچ بیر کیمسه سی یوخدور کی سندن خبر آلسین..

هئچ بیر یولدان سنین ایزینی آلا بیلمیر.

گئتدیک جه خسته خانانین حه یه تی یوخ کیتابلاری دا سنین قوخونو وئرمیر...

سایین «پ» بیلیرم اوره یین منه داریخیر، بیلیرم سنده منی اؤزلورسن. سن کی بیلیرسن من هاردایام،

بس ندن منی تاپمیسان؟؟ ندن..؟؟؟؟

یازار: آی سو

 

 


نوشته شده در : چهارشنبه 14 اردیبهشت 1390  توسط : ائلمان اورمو اوغلو.    نظرات() .

برچسب ها: یازی ، سیخینتی ، گؤروش ، داریخیرام ، سن سیز ، مکتوب ، ایتگین ،