تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - بیرلیک

امروز:

بیرلیک

بیرلیک

ایستییرم وارلیغیمی ترک ائدم

دونیادا کی تانیشلاریمدان ایتم

اؤلم، اؤلم، بیرده سونرادان بیتم

یول گئدیرم یوللار حاصار اولوبدور

یولبیر لریم مندن آیری دوشوب دور

هاچانسادیر  هئی اورگیم  داریخیر

اوزاق لیغین منیم  کونلومو سیخیر

سن گلمیرسن، منیم ده جانیم چیخیر

گل اورگی یاردیم ائله یولداش اول

گل بیرلشک، سنده منه قارداش اول

بیر عوموردور منیم  حالیم  یاماندیر

جانیم  یارا،  پالتاریم  دولــو  قاندیـر

کیمه نه وار..کیم دئییرکی جاوان دیر؟

گلن  وورو  اورگیمـه   قـان   یـارا

هارا گئدیم؟ اؤز اؤلکه مدن من هارا؟

دونیا  منیم  شئعیرلریمی  یاندیریب!

یاندیریب هئچ، بوش دفتریمی جیریب!

دویمویوب دور قلمی می  سیندیـرب!

ایندی  منه  دونیا بوتون  ساواش دیر

گئجه گوندوز گؤزلریم دولو یاش دیر

ایندی منی فلک سالیب دوستاغا

یابانجی نی قویوب منه  به ی آغا

ایسته ییرم  قالخام   بیرده  آیاغا

گل بیر اولاق  بو دونیـادا  یاشایـاق

اؤلکه میزی  یاد  الینـده  قویمـویاق

...

 


نوشته شده در : چهارشنبه 14 اردیبهشت 1390  توسط : ائلمان اورمو اوغلو.    نظرات() .

برچسب ها: بیرلیک ، یول ، عومور ، اؤلکه ، شئعر ، دفتر ،