تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - تانریم..

امروز:

تانریم..

تانریم..

تانریم
سیغیناجاق بیر یئریم یوخ سیغیناجاغیم سان سن،
تانریم
كیمسه سیز بیر كیمسه یم،كیمسه م سن سن،
تانریم
اوره ییمه هر كیمسه گیردی،خاراب اولدو اوره ییم،بو اوركده تكجه سن سن
تانریم سئوگیمه هر نه ائتدیم،یئنه منی ترك ائدیب گئتدی،منیم یالنیز سئوگیلیم سن سن،
تانریم
بو نه دؤوران بو نه بیر آن،هر آنیمدا اولان سن سن،
تانریم
گوناه ائتدیم،ثواب ائتدین،من ترك ائتدیم سن چاغیردین،ظولوم ائتدیم،ایشیق وئردین،ساتقین چیخدیم،دوستلوق ائتدین،وفاسیزا،وفا ائتدین،كور بیر قوشا ریزیق وئردین..
اولو تانریم
تانریلیلیقدا تكجه سن سن،بو روحومدا،بو جیسمیمده قالان سن سن،دامارداندا اولان منه یاخین سن سن،
آما یئنه من شیطانلا دوستلوق ائتدیم،یئنه ده سن ترك ائتمدین دوستلوق ائتدین..

یازار: ائلمان اورمو اوغلو


نوشته شده در : دوشنبه 12 اردیبهشت 1390  توسط : ائلمان اورمو اوغلو.    نظرات() .

برچسب ها: تانریم ، سن ، ثواب ، گوناه ، ترك ، ایشیق ، تكجه ، یازار ، قالان ،