تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - منی گؤزله...

امروز:

منی گؤزله...

منی گؤزله...

نه آغ آتلی رؤیاسیندایام، نه شاهزاده نین ایزلری گؤزومو یولا دیکیب. من سنین ایزلرینی دوتوب گله جه یم، هر یانداسان منی گؤزله.. سنی هاردا ایتیردیم؟؟ هانسی قیزیل آلما منی آلداتیب سنی مندن آلدی؟ آدینی هانسی افسانه لرده جارچی لار جارلاییر کی بئله اوجادان قولاغیمدا سسله نیر؟؟ هاردا اوتوراق ائله یب سن کی گونش یمی پارلاق بایراغین دونیانی ایشیقلاندیریب بو یئددی قات گؤیون هانسی قاتیندا سنی ایتیردیم؟ هانسی اولدوزون جذبه سی الینی الیمدن اوزوب سنی مندن آلدی؟؟ ندن بئله اوزاق دوشدون مندن کی ایندی سنی تاپماغی دوشوننده جانیمیم یئددی قاتی بیربیریندن آیریلیر.. سنی تاپماق نه قدر چتین اولسادا ایندی سنی آختارماغا دوردوم. گؤی قورشاغینین یئددی نجی رنگیندن آسلانیب یاغیش قوخولو نفسینین دالیجا گله جه یم، یئر دیریلیب آغاجلار گولنده، یاشیل دون گئییب ، دونیانین ان قیرمیزی گولوشو دوداغیمدا یازین ایلک چیچه یی ایله گؤروشونه گه جه یم.. منی گؤزله....

یازار:آی سو


نوشته شده در : دوشنبه 17 مرداد 1390  توسط : ائلمان اورمو اوغلو.    نظرات() .

برچسب ها: منی گؤزله ، آغ آتلی ، هایانداسان ، اوتوراق ، جارچی ، گؤی قورشاغی ، گؤروش ،