تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - جبران خلیل جبران(دونیا ادبیاتیندان)

امروز:

جبران خلیل جبران(دونیا ادبیاتیندان)

جبران خلیل جبران

 

جبران خلیل جبران – (1883-1931) – لوبنان  یازیچیسی، فیلوسوفو، رسامی دیر.  او، ییرمینجی یوزایلین دوغودا و باتیدا تانیمیش  عرب یازاری دیر.  یونئسكو  جبرانین 100 ایللیگی موناسیبتی ایله 1983-جو ایلی جبران ایلی اعلان ائتمیشدی.  

  کیتابلار: 

عاصی  روحلار ، سئوگی مکتوبلاری ، بیر داملا یاش و بیر گولومسه ییش ، دلی ، ارمیش ، دونیا تانریلاری ، ارمیشین  باخجاسی، فیرتانالار ، وادی نین پریلری ، یالواج ، سؤزلر ، اؤزومله قونوشمالار ، قابیقلار و اؤزلر ، اینسان اوغلو عیسی  ، گؤزلرین فلسفه سی ، گاوور خلیل و دلی ، گزگین ، کؤنول سیررلاری ، قوم و کؤپوک  

   اوشاقلاریمیز 

       اوشاقلارینیز سیزین اوشاقلارینیز دئییل. 

  اونلار اؤز یولونو ایزله ین حیاتین اوغوللاری و قیزلاری. 

       سیزین آراجیلیغینیزلا گلدیلر آما سیزدن گلمه دیلر 

  و سیزینله بیرلیکده اولسالار دا سیزین دئییللر. 

      اونلارا سئوگینیزی وئربیلیرسینیز، دوشونجه لرینیزی یوخ. 

  چونکو اونلارین دا اؤز دوشونجه لری واردیر. 

      بدنلرینی توتابیلیرسینیز، روحلارینی یوخ. 

  چونکو روحلار یاریندادیر، 

  سیز ایسه یارینی دوشلرینیزده بئله گؤرنمزسینیز. 

      سیز اونلار کیمی اولماغا چالیشابیلرسینیز، 

  آما ساقین اونلاری اؤزونوز کیمی اولماغا زورلامایین. 

  چونکو حیات گئرییه دؤنمز، دوننله ده بیر آلیش وئریشی یوخدور. 

      سیز یایسینیز، اوشاقلارینیز ایسه سیزدن چوخ ایره لیله ره آتیلمیش اوخلار. 

      اوخچو، سونسوزلوق یولونداکی هدفی گؤرور 

  و او اوجا گوجو ایله یایی اَیرک اوخون اوزاقلارا اوچماسینی ساغلار. 

      اوخچونون اؤنونده قیوانجلا اَییلین. 

      چونکو اوخچو، 

  اوزاقلارا گئدن اوخو سئودیگی قدر 

  باشینی دیمدیک توتاراق قالان یایی دا سئور.


نوشته شده در : شنبه 4 تیر 1390  توسط : ائلمان اورمو اوغلو.    نظرات() .

برچسب ها: جبران خلیل جبران ،