تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - ایکی لیکده

امروز:

ایکی لیکده

ایکی لیکده

گل بؤلک دونیانی ایکی لیکده بیز

دره منه دوشسون،

داغی سن گؤتور.

قالسین یئر اوزونده قوشا ایزیمیز،

قارا منه دوشسون،

آغی سن گؤتور.

 

ایلین اؤولادیییک، یایلا – قیش کیمی

فصیل لر یاشاسین، یاناشی منده.

بیرگه بیر یئرده ییک گؤزله – قاش کیمی

گؤزلر سنده قالسین،

گؤز یاشی منده.

 

گوندوزو، گئجه نی عزیز ساخلایاق

گونش سنه دوشسون،

آی منه قالسین.

جوشقون سئل لر کیمی بیرگه چاغلایاق

دنیز سنین اولسون،

چای منه قالسین.

 

بیزیک بو دونیادان سنیله شریک

بیزسیز نه قیش گولر، نه ده کی باهار

حایاتدا هر شئیی بؤله بیله ریک

آمما بؤلونمه ین:

بیر سئوگیمیز وار.

 نبی خزری

حاضیرلایان: آی سو


نوشته شده در : سه شنبه 31 خرداد 1390  توسط : ائلمان اورمو اوغلو.    نظرات() .

برچسب ها: ایکی لیکده ، قارا ، آغ ، یایلا - قیش ، گؤزله - قاش ، سنده قالسین ، منده ، سئوگی ،