تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - منیم گؤلوم

امروز:

منیم گؤلوم

 منیم گؤلوم

 


باخیرام دوز باغلامیش چومورلارا، و سنه دوشونورم.ایندی سن هارا بورا هارا...

سنله من  بیرگه،قاییقدا اوتورموشدوق.سن قاییقی سو آرسیندا ساخلاییب منه

 باخیردین و من سنین گؤزلرینده  ایتمیشدیم،سانكی اوچ كیشی(نفر)

 اولموشدوم؛ هرگؤزونده بیریسی،بیرده گؤزلرینه باخان من...

سن اوزومه سو آتیب، رؤیامی پوزدون! بیر داملا سو دوداقلاریمی

ایسلاتدی،اونو دادیب چوخ شور اولدوغونو دوشوندوم،سانكی

بوگونویدو... گون باتانا كیمی ، سو داواسی اوینادیق،سونرا ایسلانمیش

و دوزلو  پالتارلاریلا  ائوه  قاییتدیق. او گئجه  خبر یئنه  بولودلاری

«یوكله مكدن!»(بارور ائتمكدن) دئییردی...  یئنه نئچه،یئنی سددن...

و سن گله جك دن یازیردین.. او اولو سویون قوروماسیندان! و من هئچ

اینانمیردیم... ایسته ییردیم منه  باخاسان. گؤزلریم بیر آن سنی گؤرمه یه نده داریخیردی..

ایندی سنی گؤرمك اوچون؛ نئچه دمیر قاپینی، یارمام گركیردی، بارماقلیق

(میله) دالیندان سنی اؤزله ییب ، دولو گؤزلرینه باخماغا هفته لر دؤزمم  گرك..

سن بو گؤلو سئودینسه،من! سنسیز بو گؤلو یوخ، دوزلاغی سئومه لییم!!

یووووووخ!  یوووووخ!

پیس دئدیم، سنین سئوگیلینه توخوندوم، منی باغیشلا سئوگیلیم،من  سنی گؤزله یركن، بو ائلیمین گؤلونو قوروماغا چالیشاجاغام. من گؤلومو  قورویاجاغام. اولورسا آووج آووج سو گتیریب،

اونو دولدوراجاغام.

 من، بو گؤل ایله بیرگه یاشایاجاغام...

 یاشاداجاغام...

یاشاجاغام...


یازار: آی سو


نوشته شده در : جمعه 27 خرداد 1390  توسط : ائلمان اورمو اوغلو.    نظرات() .

برچسب ها: منیم گؤلوم ، قاییق ، دوزلاق ، خبر ، سئوگی ، سنسیز ، قورویاجاغام ،