تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - آتا - - - آتا گونو موبارك اولسون

امروز:

آتا - - - آتا گونو موبارك اولسون

سلام
حضرت علی(ع)-ین دوغوم گونو و بو موناسیبت ایله عزیز «
آتا گونو » موبارك اولسون

آتا

هر بیر اؤولاده شرف،شهرت ایله شأن آتادیر

باشا تاج،قلبه فرح،تخته سولئیمان آتادیر

حورمتین ساخلامالی داییمن عالمده اونون

چونكی دونیایه سنی بخش ائدن اینسان آتادیر

اولاسان شاه یئنه یوخ ذرره قدر فرقی اونون

دامجی سنسن اونو بیل،دهرده عوممان آتادیر

بوتون اؤولاد-ی بشر دوستون اولا هر یئرده

یئنه دار گونده سنین دردینه درمان آتادیر

قدرینی بیلمك اونون داییمی بورجوندو سنین

اوندا گر كی نه قدر اولسادا نوقصان،آتادیر

توتماز هئچ،ائتسه ده قارغیش آنا گر اؤولادی

ناله سی ائیله ین گؤیونو ویران ، آتادیر

اولا بیر آنی اگر بیل كی دایاقدیر او سنه

سودو وئرمیشسه آنا،جیسمیده كی جان،آتادیر

اودا واختیندا وئره بورجونو اؤولاده گرك

چونكو اؤولادی اوچون صاحیب-ی دؤوران،آتادیر

باكرا،اؤز یئری واردیر آتانین-اؤولادین

نه قدر آرتسادا اؤولاد یئنه سولطان آتادیر

سعی قیل دونیادا سن جاشما یولوندان هرگز

«مهرزاد» ائیله یقین صاحیب-ی دیوان ،آتادیر

شعر: مهرزاد

حاضیرلایان : ائلمان اورمو اوغلو



نوشته شده در : پنجشنبه 26 خرداد 1390  توسط : ائلمان اورمو اوغلو.    نظرات() .

برچسب ها: اؤولاد ، آتا ، آتا گونو ، حضرت علی(ع) ، دیوان ، آتادیر ، تاج ، فرح ،