تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - گؤروش..

امروز:

گؤروش..

گؤروش..

بو گون توم یوللاریم سنه دؤنور آما سنه دوشونمك ایچین

هئچ ماهانام یوخ، اؤزومله بو قرارا گلمیشم كی سنه

دوشونمه ییم، آما بو قرار مندن قرار آلیب.

هر آن اؤزلورم سنی، ساعاتین هر تیك تاكیلا

باخیشلاریم ساعاتا یالواریر بلكه زامان گئچسین..

تیك.. تاك..تیك.. تاك..

نبضیم ساعات لا برابر چالیر..

گؤزلریم تیلفوندا قولاغیم بیر تیكا باغلی دیر

توم وارلیغیم سنین له گئچدییی آنلاریم دا قالیب

سنی چوخ اؤزلورم آما اؤزومه سؤز وئرمیشم ایلك دفعه

سنه یوخ دئییب سنین گؤروشونه گلمه یه جه یم

- الو سلام

- بویورون؟ سلام..

- «یاخشی سان گولوم؟ بو آخشام هر زامان گؤروشدویوموز

یئرده سنی گؤزلورم. گئج گلمه هاااا، بو گون سنسیزله میشم،

گلمزسن داریخارام»

و من دوشونورم نئچه هفته بو آجی لارا دؤزوموم اولاجاق

یالنیز سنی گؤردویوم نئچه آن ایچین....

یازار: آی سو


نوشته شده در : دوشنبه 16 خرداد 1390  توسط : ائلمان اورمو اوغلو.    نظرات() .

برچسب ها: گؤروش ، ساعات ، آجی آن لار ، سن ، دؤزوم ، تیلفون ، اینتیظار ، سؤز ،