تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - اولدی

امروز:

اولدی



صراف تبریزی


اولدی


من ترک شراب لب یار ائیلدیم اولدی
زهر غم هجریله مدار ائیلدیم اولدی
ای شیخ بهشتی دئمه ترک ائیلییه ن اولماز
من ترک سر کوی نگار ائیله دیم اولدی
اوز جانینی ترک ائیلییه ن اولماز من اوزومدن
روحوم کیمی جانانی کنار ائیلدیم اولدی
ممکن دگی بیر محنته مین جان دوزه اما
من جانیمی مین درده دچار ائیلدیم اولدی
دانسته و فهمیده خط و خاله وورولدوم
اوز اوز گونومو تیره و تار ائیلدیم اولدی
هئچ کیمسه اوزون خار و ذلیل ایسته مز اما
من اوز اوزومو دهرده خار ائیلدیم اولدی
عرفان نظربازی و رندی و ظریفی
عالمده خلاصه نکی وار ائیلدیم اولدی
صرافه دئدیم حکمتیلن یوخ وار اولانماز
گولدی دئدی باخ گور یوخی وار ائیلدیم اولدی


 صراف تبریزلی  


نوشته شده در : دوشنبه 9 خرداد 1390  توسط : ائلمان اورمو اوغلو.    نظرات() .

برچسب ها: صراف تبریزی ، اولدی ، ترك ، من ، شراب ، لب ، یار ، فهمیده ، جان ، خط ، هئچ ، كیمسه ،