تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - اونون آدی ائلمان...

امروز:

اونون آدی ائلمان...


اونون آدی ائلمان...


İngiltərədə uşaqlara ən çox Məhəmməd adı verilir! thumbnail







...نئچه گوندن سونرا آتا اولوردو،گئجه ساعات اون بیریدی و یوخوسو گلمیردی،آروادی ایسه شیرین یوخویا قاچمیشدی.آراز اوره یینده تانریلا دانیشیردی:

تانریم سندن ساغ-سالانات بیر اوشاق ایسته ییرم،اؤزون بیلیرسن منه قیز-اوغلان هئچ فرق ائتمیر و یالنیر ساغلام اولماغی بیزه یئترلیدیر..

ایكی گون او اضطرابلی گئجه دن اؤتموشدو و آراز ایش باشیندایدی،جیب تئلفونو زنگ چالدی،آناسینین سئوینج سسیدی:

آراز! اوغلوم،تئز آزربایجان خسته ائوینه اؤزونو یئتیر،آتا اولورسان!

بیر آتا اوچون،بونداندا خوش بیر خبر اولورمو؟!

گؤزلمه زالیندا بویان- اویانا گئدیردی، خانیم دوكتور عمل اوتاغیندان دیشاری چیخیب و آتا اولماق خبرینی آرازا وئردی،سئوینجیندن هارار چكیب تانریدان تشككور ائتدی..

اوچ آی او گوندن كئچمیشدی و كؤرپه نین سیجیللی سی آلینمامیشدی،بیر یانداندا هامی آرازلا ساواشا قالخیب تئز بیر آد سئچ سیجیللی آل دئییردی،آما آراز اؤز ایسته ییندن واز كئچمیردی و اؤزوم ایسته دیگیم آدی قویاجاغام دئییردی..

سونوندا اؤلكه نین باش كندیندن سونونجو مكتوب گلدی و آراز ایكینجی كز اولاراق آتا اولماغینا سئوینیب گؤیلره اوچدو،اونون وئردیگی آد قبول اولونموشدو و اوچ آیلیق كؤرپه نین اینی كیملیگینده آدی یازیلاجاغیدی و اودا آراز دئین آد؛ائلمان..


یازار:ائلمان اورمو اوغلو

 


نوشته شده در : شنبه 10 اردیبهشت 1390  توسط : ائلمان اورمو اوغلو.    نظرات() .

برچسب ها: ائلمان ، قیز ، اوغلان ، گئجه ، زنگ ، جیب ، آراز ، سئوینج ، ایش ، اوچ ، قبول ، اورمو اوغلو ،