تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - یورولماز قاریشقا

امروز:

یورولماز قاریشقا

یورولماز قاریشقا

http://upload.wikimedia.org/wikipedia/commons/2/22/Ameise.jpg

اؤزوندن نئچه قات بؤیوك و آغیر اولان بیر بوغدانی داشیییردی،چوخ دیققت له یولونو گئدریدی،قاباقدا بیر چؤپ واریدی و قارینجا اونا یئتیریب دایاندی،سانكی ائوئرئست اؤنوده دایانمیشدی..
ساعاتلارجا اورادا دایانمادان بوغدانی اویانا كئچیرتمه یه چابا گؤسته ریردی،بؤیوك بیر یئر كوره سی،اوجسوز- بوجاقسیز بیر ائورن(عالم) و خیرداجا بیر چؤپ و بیر یورولماز قاریشقا!

بوغدانی دیكینه توتوردو،بوغدا یئنه آشیردی،آما یوز كز (دفعه) بو یوران ایشی تئكرارلادی،بیر كز اونو دیك توتماغی باجارا بیلسه یدی اونا یئته رلیدی!بویانا كئچیب،اویانا كئچیب،بوغدادان واز گئچمك ایسته میردی،دونیادا بوتون یئمك لر سونا چاتمیش كیمی!!
..سونوندا بوغدانی دیك توتوب چؤپه دایاندیرا بیلمه یی باجاریب اویانا آتدی و اؤزوده چؤپدن كئچیب اوزون بیر یولونا داوام ائتدی..
گؤرن بو اوزون یولدا نه قدر چؤپ وار؟!!

 

یازار: ائلمان اورمو اوغلو

 


نوشته شده در : یکشنبه 8 خرداد 1390  توسط : ائلمان اورمو اوغلو.    نظرات() .

برچسب ها: قاریشقا ، بوغدا ، قات ، بؤیوك ، عالم ، ائورن ، یئر ، چؤپ ،