تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - آنالار گونو قوتلو اولسون

امروز:

آنالار گونو قوتلو اولسون

تقدیم اولور بوتون آنالارا

آنالار گونو قوتلو اولسون

خانیم فاطمه (س) دوغوم گونو -آنالار و قادین لار گونو - بوتون ائللریمیزه موبارك اولسون

آنالار حؤرمتینه گؤره آنا دیلیمیزی قورویاق


آی آنا

دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن سن آی آنا
کیم اگر ایسترسه آناسی خوار اولسون
دیلی لال گؤزلری کور قولاق لاری کار اولسون
کیم آنا زحمتینی دانسا اونا آر اولسون
چکن اؤولاد چون عذاب اذیتی سن سن آی آنا
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن آی آنا
ائله وارلیق سان آنا آدین دیللر ازبریمیز
نفسین گولن یئرده یوخدو بیزیم دردلریمیز
چوخ گؤزل کلام دئییب محمد(ص) پئیغمبریمیز
اینسانی بخش ائلیین جنتی سن سن آی آنا
دیلیمین هر سوزی هر صحبتی سن آی آنا
یگانه کس ده او آنام عزیز مقدس ده منه
الهی یئر اوزونون آنجاق امین کسدی منه
حیاتین شیرینلیگی لذتی سن آی آنا
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن آی آنا
ائی جاوانلار آنانین ساخلیین حؤرمتینی
جانیمیز دیر قانمیز دیر چکه گین غیرتینی
اونودماق گناه منجه آتانین زحمتینی
آتادان دا چوخ چکن زحمتی سن سن آی آنا
دیزیمین قوللاریمین طاقتی سن سن آی آنا
دیلیمین هر سوزی هر صؤحبتی سن آی آنا
خسته لن سن آی آنا دردینه درمان نه اولوم
عؤمرو یوخ دا وفا یانیندا هر آن من اولوم
سنین آغ ساچلارین آغ رنگینه قوربان من اولوم
هر زمان جلب ائلیین دقتی سن سن آی آنا
دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
ناگلین جن اجل اینسان یئرینی درک ائله ییر
نئچه ایلدیر گوزومون حصرتی سن سن آی آنا
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن آی آنا

حاضیرلایان : ائلمان اورمو اوغلو


نوشته شده در : جمعه 30 اردیبهشت 1390  توسط : ائلمان اورمو اوغلو.    نظرات() .

برچسب ها: آنالار گونو قوتلو اولسون ، محمد (ص) ، فطمه (س) ، آتا ، آنالار گون ، آنا ،