تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - موللا نصرالدینین اوغلو

امروز:

موللا نصرالدینین اوغلو

موللا نصرالدینین اوغلو

دئییرلر کی، گون لرین بیرینده تئیمور موللانین اوغلونو سارایا گتیرت دیریر.

باخیر کی، اوشاق لاپ آتاسینا اوخشاییر. بوی-بوخونو، سیر-سیفتی، آغیز-بورونو

لاپ موللا نصرالدیندی کی، دوروب فیکیرله شیر کی، گؤره سن اوشاق سؤزده-صحبتده ده آتاسینا چکیب یا یوخ؟

چیخاریب اونا بیر قیزیل باغیشلاییر. موللانین اوغلو قیزیلی الی ایله ایته لیییر.

تئیمور سوروشور: نییه آلمیرسان؟

اوشاق دئییر: آنامدان قورخورام. او، منه تاپیشیریب کی، کوچه ده تانیمادیغیم عمی لردن پول آلماییم.

تئیمور دئییر: آی ساغول، آنجاق من آنان دئدییی او کوچه لرده کی عمی لردن دئیییلم. من پادیشاهام.

اوشاق دئییر: من گؤرورم کی سن پادیشاهسان. آنجاق آنام اینانماز کی سن پادیشاهسان.

تئیمور سوروشور: نییه اینانمیر؟

اوشاق دئییر: اونا گؤره اینانماز کی پادیشاه پول باغیشلایاندا بیرجه ده نه باغیشلاماز، چوخلو-چوخلو باغیشلار.

قایناق: کیملیک؛ کوردوستان بیلیم یوردونون تورک اؤیرنجی لرینین درگی سی

 


نوشته شده در : پنجشنبه 22 اردیبهشت 1390  توسط : ائلمان اورمو اوغلو.    نظرات() .

برچسب ها: تئیمور ، کیملیک ، موللانین اوغلو ، موللانصرالدین ، پادیشاه ، اوشاق ،