تبلیغات
توركجه شعر،قیسا حیكایه و یئنی چئویرمه لر - - ÖlKəMiN sƏsİ - سوسوز دنیز..

امروز:

سوسوز دنیز..

سوسوز دنیز..

گؤرمه میشدیك بو گونه جن

بیر دنیزین بوغولماغینی

زنجیرله ییب قانادلاییب آل قانینی یایماغینی

قوینونداكی دورنالارین ایتگین دوشن سورگونلرین

دوزلو بورانلیقلارین داغ دره یه یایماغینی

بیر دنیزین بوغماغینی!

سینه سیندن یول دوشر كن دوشگون اولود جوشار دنیز

سدلر ووروب جان آلدیلار دادلی دوزلو دنیزیمدن

ائله بیل كی قان آلدیلار او آل یاناق بنیزیمدن

اینصافسیزجا باییرلادی غم كدردن ساچ آغاردی

دنیز كؤكوندن لاخلادی

سوسوزلوقدان دوزلاقلادی

قهر ائدر كن دوزلو بوران یاتدی باغا

سولدو گوللر باغدان باغا

دوز الندی یارپاقلارا

بوغدالار دا گؤیره مه دی

قهرلنیب جوجرمه دی

تام اكینلر بئجرمه دی

آمما آذربایجان دنیزینده قئیرت واردیر سانا گلمز

ائللری تك هئچ تؤكنمز

غم،كدری چكه-چكه، چاناقجادا سویو اولسا

زنجیرلنمیش بوغازیندان باغیراجاق دؤنه-دؤنه

آخار چایلار دؤنسون سئله

قودرت وئرسین اونا بئله

دالغالانسین گوله-گوله

یئنه گئجه آی باغریندا دالغالانیب یئرییه جك

سویو كسن میرآب گؤروب چورویه جك

چورویه جك!

رقیه علی قلیان (لاله)

آفتاب آذربایجان درگیسیندن فایدالاناراق

حاضیرلایان:ائلمان اورمو اوغلو



نوشته شده در : دوشنبه 19 اردیبهشت 1390  توسط : ائلمان اورمو اوغلو.    نظرات() .

برچسب ها: سوسوز دنیز ، بیز ، دنیز ، دنیزین ، قهر ، سولدو ، آخار ، غم ، كسن ، زنجیرلنمیش ، آذربایجان ، آفتاب آذربایجان ، درگی ، رقیه عی قلیان ، لاله ،